تخيل أن ألفا روميو أشهر ماركات العربيات الإيطالية بدايتها مكنتش في إيطاليا.
ألفا روميو بدأت في فرنسا سنة 1906 لما أسس رجل الأعمال ألكسندر داراك شركة لصناعة العربيات مع مجموعة من المستثمرين الإيطاليين منهم أوجو ستيلا اللي اشتري أسهم الشركة كلها ونقلها لميلانو 1910، وحولها لشركة إيطالية مع مجموعة من المستثمرين وسماها Anonima Lombarda Fabbrica Automobili" "شركة لومباردا العامة لصناعة السيارات" واختصارها ALFA
نيكولا روميو تولى إدارة الشركة 1915 وبعد 3 سنين الشركة بقت بتاعته بالكامل، وسنة 1920 دمج اسمه مع اسم الشركة، وبقى اسمها ألفا روميو
ألفا روميو اشتهرت في بدايتها بتصنيع العربيات الرياضية، وكونت فريق شاركت من خلاله بعربياتها في كتير من السباقات، والفريق كان تحت قيادة إنزو فيراري قبل ما ينفصل عن الشركة ويبدأ في تصنيع عربياته بنفسه، ويكون أسطول فيراري.
دلوقتي ألفا روميو بتصنع تشكيلة واسعة من الموديلات مش بس عربيات رياضية، بتتميز بتصميمها الجذاب ده غير الكفاءة العالية، ومن أشهر موديلاتها: ألفا روميو جوليتا، وMi To، وجوليا وسيتيلفيو